🔆રાજેન્દ્ર શુક્લ ~ કંઈ સૂઝે એવડી🔆 

કંઈ સૂઝે એવડી બૂઝ નથી તો ગીતગઝલ તો ગઈએ,
જેને સૂઝતું હોય એહની અલાબલા લઈ લઈએ,
રે ઓળઘોળ થઈ જઈએ.

ધરતીની ધૂળમાં ધરબાયા આ અડાય એટલું અડી લઈએ અંબર,
થયા કવિ કરવત મેલાવી, પાછું ક્યાં થાવું પયગંબર,
રે થવાય એટલું થઈએ
રે ઓળઘોળ થઈ જઈએ.

સંગ શબ્દનો બહુ બહુ તો મહાપ્રાસ લગણ લઈ જાય,
અઘટિતઘટના ૫ટિયસી માયા બસ શ્વાસ લગણ લઈ જાય,
રે જવાય એટલું જઈએ
રે ઓળઘોળ થઈ જઈએ.

~ રાજેન્દ્ર શુક્લ

જેમના ગાયેલા કવનથી ગુજરાતી કાવ્યસાહિત્ય રળિયાત છે…. એ કવિ કહે છે……

‘કંઈ સૂઝે એવડી બૂઝ નથી તો ગીતગઝલ તો ગઈએ….’

જુઓ, આ કવિની જ મનસા હોય કે અડાય એટલું અંબર અડી લેવું ! અને કવિ જ આ કરી શકે એય ખરું.

કવિ છે, એને પયગંબર થવાની જરૂર નથી…. એ એના કરતાંય ઊંચો છે!

કવિતા કવિની ચેતનામાં આટલું રેડે…. ઓળઘોળ થવાનો પ્રવાહ ….

કવિની કવિતા ત્યારે જ જન્મે જ્યારે એ કશાય પર ઓળઘોળ થઈ જાય !!  

વાહ વાહ કવિ ! વંદન વંદન

🥀વિશેષ : મીરાં ત્રિવેદી, હિના મોદી, ચિરાગ ઝા ઝાઝી, વિનોદ ગાંધી, દતાત્રેય ભટ્ટ🥀

🥀વિશેષ : મીરાં ત્રિવેદી, હિના મોદી, ચિરાગ ઝા ઝાઝી, વિનોદ ગાંધી, દતાત્રેય ભટ્ટ🥀

🙏આપને ગઝલ, ગીત, અછાંદસ વગેરે કાવ્યસ્વરૂપો વિશે જાણવામાં રસ છે? જુઓ વિભાગ ‘સ્વરૂપ’. મોબાઇલના ઉપરના જમણે ખૂણે આવેલી આડી ત્રણ લાઇન ટચ કરો અને ખુલશે વિભાગો. 🙏 

🙏આપની પસંદના કવિ કોણ છે? ‘Search’માં એમનું નામ લખો! અને વાંચો એમની કવિતાઓ. એમાં આપ પોતે પણ હોઈ શકો.🙏

યસ મમા