🔆મકરંદ મૂસળે ~ હોય ભલે🔆 -

હોય ભલે ને લાખ કુટેવો
માણસ તોયે મળવા જેવો.

સૌ પૂછે છે સારું છે એને,
સાચો ઉત્તર કોને દેવો?

આપ ભલે ને હોવ ગમે તે,
હુંય નથી કંઈ જેવો તેવો.

દર્પણને ઘડપણ આવ્યું છે,
હું તો છું એવો ને એવો.

બાળક ખાલી આંખ મિલાવે,
ત્યાં જ મને છૂટે પરસેવો.

~ મકરંદ મૂસળે

‘હોય ભલે ને લાખ કુટેવો / માણસ તોયે મળવા જેવો!’

પ્રથમ શેરમાં જ ‘માનવ’ની સ્થાપના કરી છે.

ત્રીજા અને ચોથા શેરમાં માનવના અભિમાનને પ્રતિબિંબિત કર્યું છે

અને અંતિમ શેરમાં નાયકે સચ્ચાઈ સ્વીકારી લીધી છે.

‘બાળક ખાલી આંખ મિલાવે / ત્યાં જ મને છૂટે પરસેવો’

હા, બાળકની નિર્દોષ આંખો સામે ઊભું રહી શકાય એવું જીવન ક્યાં જીવ્યા છીએ ? કોણ જીવ્યું છે ?

🥀દિન વિશેષ : રિયાઝ દામાણી‘સગીર’, જ્યોર્જ ઓરવેલ🥀

🙏આપની પસંદના કવિ કોણ છે? ‘Search’માં એમનું નામ લખો! અને વાંચો એમની કવિતાઓ. એમાં આપ પોતે પણ હોઈ શકો.🙏

🙏આપને કવિઓ વિશે જાણવામાં રસ છે? જુઓ વિભાગ ‘સર્જક’. મોબાઇલના ઉપરના જમણે ખૂણે આવેલી આડી ત્રણ લાઇન ટચ કરો અને ખુલશે વિભાગો.🙏

વતન

છબીલભાઈ ત્રિવેદી

25/06/2026 at 10:15 am

વાહ ખુબ સરસ રચના ખુબ ગમી કાવ્ય નોંધ ગમી અભિનંદન

હેતલ રાવ

25/06/2026 at 10:45 am

👏👏👏👏વાહ સાહેબ
દર્પણને ઘડપણ આવ્યું છે,
હું તો છું એવો ને એવો.

શેરનો સુંદર મિજાજ છે.👌👌👌

'સાજ' મેવાડા

25/06/2026 at 12:11 pm

કવિ મકરંદ મૂસળે ની એક એમની ઓળખ ગઝલ. કહેવત બની છે, “….માણસ તોયે મળવા જેવો “

Lalit Trivedi

25/06/2026 at 2:30 pm

વાહ વાહ

Kavyavishva

26/06/2026 at 9:21 am

‘કાવ્યવિશ્વ’ની મુલાકાત લઈ પ્રતિભાવ લખનાર મિત્રોનો ખૂબ ખૂબ આભાર.
‘કાવ્યવિશ્વ’ની મુલાકાત લેનારા મિત્રોનો પણ એટલો જ આભાર.
https://kavyavishva.com

Anonymous
27/06/2026 at 11:50 am

મારી ગઝલને સ્થાન આપવા બદલ આભાર

Loading...

🔆મકરંદ મૂસળે ~ હોય ભલે🔆