🔆હરીશ દાસાણી ~ એક કિનારે🔆

*એકલ*

એક કિનારે શબ્દ ખડક છે, બીજા કિનારે મૌન.
ચિત્તનદીની વચ્ચે એકલ રહી વિચરે કોણ?

એક કિનારે મધુર સ્વપ્ન છે, બીજા કિનારે નક્કર
ચિત્તનદી બંને બાજુએ, રહે છલોછલ સભર.

એક કિનારે ક્ષણ ઊભી છે, બીજા કિનારે અનહદ.
ચિત્તનદીમાં તરે માછલી મળે ન કોઈ સરહદ.

એક કિનારે સ્નાયુબદ્ધ બળ ને બીજા કિનારે ભાવ.
ચિત્તનદીમાં વહે કદી તો નજીક આવે સાવ.

એક કિનારે પદાર્થ ઢગલો, બીજા કિનારે પ્રકાશ.
ચિત્તનદીમાં બે પડછાયા, સર્જન અને વિનાશ.

એક કિનારે ગતિશીલતા, બીજા કિનારે દ્રષ્ટિ
ચિત્તનદીના નીર રૂપેરી, બંને પામે પુષ્ટિ.

~ હરીશ દાસાણી

જીવનનું ચિત્ર. કદીક આમ તો કદીક તેમ. એકબાજુ આ ખેંચે તો બીજી બાજુ પેલું.
ક્ષણ અને અનહદ – વાસ્તવિકતા અને વિરાટ વચ્ચેનો ઝૂલો
બંને બાજુ બધું હોવા છતાં નાયક છે એકલ!

ભાવ મજાનાં છે, પોતાનું ચિંતન પણ છે. એ ગમ્યું.
કવિતાની દૃષ્ટિએ લય ક્યાંક ખોડંગાય, તર્ક ક્યાંક અટવાય.

*****

‘કાવ્યવિશ્વ’ વિશે વિદ્વાનોના પ્રતિભાવો

‘કાવ્યવિશ્વ’નો નકશો વિશાળ છે અને સંભાવનાઓ અનેક છે. તમે અંતરના ઉમળકાથી આ શરૂ કર્યું છે અને હજી ખૂબ ખીલવશો તેવી આશા છે. ~ મનસુખ સલ્લા

🌹દિનવિશેષ 21 જુલાઈ🌹

તેં મને