🔆જગદીપ ઉપાધ્યાય ~ ભાગ એય🔆

‘ભાગ એય અંધારા!’ એમ કહી આમ મને કાઢ નહીં આવતાની વેંત!
એ તો કે’, ‘હોત નહીં હું, મૂઆ અજવાળા! અજવાળું કોણ તને કે’ત?!’

કાગળ સફેદને શું ધોઈ પીત?! હોત નહીં કાળા તે રંગ તણી સ્યાહી,
ડાઘ ધોળી ચાદરમાં લાગે પણ લાગે નૈ કાળી તે કામળીની માંહી!
પૂનમને આભ મહીં મારા વિણ આવકારો ભોજિયો ન ભાઈ કોઈ દેત!

ટપકું મા મેશ તણું કરતી’તી કે નજરું લાગે ના છૈયાને ગોરા,
આખીયે દુનિયાની તરસ્યું છીપાવશે શું? -વાદળાં રૂપાળાં ને કોરાં?
રૂપ-રંગ, વાન નથી જોતો ભગવાન, ઈ તો ઓળખે છે અંતરનાં હેત!

~ જગદીપ ઉપાધ્યાય (24.7.1959 – 25.4.2021)

****

ગુજરાતી કાવ્યસમૃદ્ધિ કેટલી વિસ્તાર પામી રહી છે અને કવિતા-કૃતિવિવેચનમાં કેટલી આધુનિક બની રહી છે તેનો એક ઉલ્લાસ માણીને આનંદ થયો.- રમેશ પુરોહિત * સંપાદક ‘કવિતા’

****

🌹દિનવિશેષ 24 જુલાઈ🌹

બાળઉછેરનાં મનોવૈજ્ઞાનિક પાસાં – 3