🔆હરકિસન જોષી ~ છબીમાં🔆

છબીમાં હસો છો, કહો ક્યાં વસો છો ?
હવા છો સ્વયં કે હવામાં શ્વસો છો ?

નથી સ્વર્ણ હોવાનો દાવો કર્યો મેં
કસોટીના પથ્થર ઉપર કાં ઘસો છો !

બધા ઓરડાઓમાં ગુંજે છે પગરવ
તમે પહેલા જેવા હજુ ધસમસો છો !

વિસરવા ચહું તોય વિસરાશો થોડા ?
સપન થઈને નિંદરની વચ્ચે ડસો છો !

સમેટીને અસ્તિત્વ ચાલ્યા ગયા પણ,
સ્મરણમાંથી પળવાર પણ ક્યાં ખસો છો ?

~ હરકિસન જોષી (31.8.1940 – 12.10.2021)

🙏🏻આપે ‘કાવ્યવિશ્વ’ની મુલાકાત લીધી, આભાર. પ્રતિભાવ લખશોજી🙏🏻 અને આ સાઇટ subscribe જરૂર કરશો.🙏🏻
***
‘કાવ્યવિશ્વ’ વિશે વિદ્વાનોના પ્રતિભાવો
કવિતા ‘ટોક ઓફ ધ ટાઉન’ થઈ શકે? એક વ્યક્તિ સંસ્થા જેટલું કામ કરી શકે? ઉત્તર મેળવવા જુઓ kavyavishva.com ~ ઉદયન ઠક્કર

🌹દિનવિશેષ 31 ઓગસ્ટ🌹 

એક દિવસ