🔆જિતેન્દ્ર પ્રજાપતિ ~ ભણવા બેઠું🔆

ભણવા બેઠું રે 

ભણવા બેઠું રે ભણવા બેઠું
નાનું પતંગિયુ ભણવા બેઠું !

નાનકડા હાથમાં નાનકડી પાટી
પતંગિયુ બેઠું છે પાથરીને માટી
ગણવા બેઠું રે ગણવા બેઠું
આંગળીના વેઢા ગણવા બેઠું……

ચાર-ચાર ખાનાંવાળો લીધો છે થેલો
થેલા પર ચીતર્યો છે સસલો અલબેલો
લખવા બેઠું રે લખવા બેઠું
નાનું પતંગિયુ લખવા બેઠું ….

~ જિતેન્દ્ર પ્રજાપતિ

ગઝલમાં નોંધપાત્ર કામ કરી રહ્યા છે એવા કવિ જિતેન્દ્ર પ્રજાપતિ બાળકાવ્યોમાં પણ એટલું જ સરસ કામ કરી રહ્યા છે.

‘કાવ્યવિશ્વ’ને આવકાર

ખૂબ જ સુંદર ઉપક્રમ લતાબહેન. સમયોચિત પણ ખરું. તમે પસંદ કરેલા વિભાગોમાં તમારા કવિતાપ્રેમની સાથોસાથ આયોજન-સંપાદનની સૂઝ નજરે ચડે. ખૂબ ખૂબ ધન્યવાદ, શુભકામનાઓ. ~ દક્ષા બી. સંઘવી

🌹જન્મદિનવિશેષ 12 સપ્ટેમ્બર🌹 

દેશભક્તિનું હાલરડું