🔆ચિનુ મોદી ~ છે ધધખતું પણ🔆

છે ધધખતું પણ ઉપરથી શાંત, હોં,
વૃદ્ધ બનતાં પ્રાપ્ત આ એકાંત, હોં.

કંઈક એ જોઈ ગયો છે ત્યારથી,
ચિત્ત-ચક્ષુ બેય સરખાં શાંત, હોં.

જેમ જળમાં અન્નનો દાણો ફૂલે,
વૃત્તિનું આવું હતું વૃત્તાંત, હોં.

માપસરની વેદના ખપતી નથી,
એ વધે અનહદ તો છે વેદાંત, હોં.

કેટલાં કીધાં જતન ‘ઈર્શાદ’ તેં ?
છેક છેલ્લે તોય છે, દેહાંત, હોં.

~ ચિનુ મોદી

કવિની કમાલ જુઓ!

‘કાવ્યવિશ્વ’ને આવકાર

‘કાવ્યવિશ્વ’ હવે રોજિંદા જીવનનો હિસ્સો થઈ ગયું છે. અહીં મૂકાતા કાવ્યો માણવાનો આનંદ છે. આ ઉપક્રમ બદલ અભિનંદનો અને ભવિષ્ય માટે શુભેચ્છાઓ. ~ નંદિતા ઠાકોર

(આપ પણ ‘કાવ્યવિશ્વ’ વિશે આપનો અભિપ્રાય મોકલશો તો ગમશે.)  

🌹જન્મદિનવિશેષ 18 સપ્ટેમ્બર🌹 

શ્રદ્ધા