🔆ઋષિ દવે ~ અલી ઓ🔆

અલી ઓ વાવ,
સમય કોઈને છોડતો નથી.

તને યાદ છે ?
છપ્પનિયા કાળમાં અમારા પૂર્વજો જ્યારે તરસ ભાંગવા આવ્યા’તા;
ત્યારે ;
તેં એમની જાત પૂછી’તી.

આજે તારા ‘ચોખ્ખા’ પાણી ઉપર લીલ બાઝી ગઈ છે.
હવે તને સમજાય છે આભડછેટ?

~ ઋષિ દવે

અસ્પૃશ્યતા પર ઘણાં કાવ્યો લખાયાં હશે પણ આટલું નાનું અને આટલું અંદર સુધી ઊતરી જાય એવું કાવ્ય શોધવું પડે.

વાવ એક પ્રતીક છે અને અસરદાર વાત બની છે.

‘ચોખ્ખા’ પર કવિએ અવતરણ ચિન્હ મૂકીને ઉજળિયાત વરણ પર જબરો કટાક્ષ કર્યો છે. આ લીલ હવે મૂળિયાં સુધી પહોંચી ગઈ છે, કદાચ એટલે બહાર દેખાતી નથી. દ્વેષ અને તિરસ્કાર હવે નવા સ્વરૂપે પ્રગટ થાય છે.

પણ સમયનું ચક્ર ફરતું રહે છે અને કોઈને છોડતું નથી…… એય ક્યાંક ક્યાંક દેખાતું જાય છે……

‘કાવ્યવિશ્વ’ને આવકાર

જેમ જેમ દિવસો ચડતા જાય એમ એમ ‘કાવ્યવિશ્વ’નો રંગ ઘૂંટાતો જાય છે. ક્યા કવિને વાંચું અને કઈ કવિતા વાંચું એ દ્વિધા વધતી જાય છે. લતાબહેન તમારી મહેનત મેઘધનુષમાં આઠમો રંગ પૂરી રહી છે. ‘કાવ્યવિશ્વ’ મારા માટે તો જાણે વ્યસન થઈ ગયું છે. સવાર ઊગે અને નવી નવી લાગણીની લહેરખીમાં ઝૂમવા મળે છે. ~ હીના મોદી  

🌹જન્મદિનવિશેષ 23 સપ્ટેમ્બર🌹 

ગુનગુના રહે હૈ ભંવરે