🔆દિલીપ જોશી ~ ગરબે રમવાના🔆

ગરબે રમવાના થયા ઓરતા રે..
આવ્યા આવ્યા માના નોરતા રે…
ચોકે નર-નાર સહુ ડોલતા રે…
આવ્યા આવ્યા માના નોરતા રે…

પડવેથી પૂનમનો પંથ કેવો પાવન
જ્યાં જ્યાં નિહાળો ત્યાં માના હો દર્શન
આંગણિયે આંગણિયા આજ થયા ઉપવન
સોળે શણગાર સહુ શોભતા રે…

આવ્યા આવ્યા માના નોરતા રે…
ગરબે રમવાના થયા ઓરતા રે..

ઝળહળતી હોય ધરા ઝળહળતું અંબર
માના પૂછીને ઉગે સૂરજ ને ચંદર
ચોકે ચોકે રે ઝરે ઉમંગી અવસર
આઠે બ્રહ્માંડ રંગ ઘોળતા રે..

આવ્યા આવ્યા માના નોરતા રે…
ગરબે રમવાના થયા ઓરતા રે..

આવ્યા આવ્યા માના નોરતા રે…
ચોકે નર-નાર સહુ ડોલતા રે…
આવ્યા આવ્યા માના નોરતા રે…

~ દિલીપ જોશી

સ્વર : પ્રીતિ ગજ્જર, નિગમ ઉપાધ્યાય * સંગીત : ડો. ભરત પટેલ

‘કાવ્યવિશ્વ’ને આવકાર

ખૂબ સુંદર અને ઉત્તમ કવિતાઓનું ચયન. સુંદર અને માર્મિક આસ્વાદ. ~ ઈશિતા દવે
આપ પણ ‘કાવ્યવિશ્વ’ માટે આપનો પ્રતિભાવ મોકલી શકો છો.

🌹દિનવિશેષ 12 ઓકટોબર🌹