🔆લતા હિરાણી ~ પહાડો ને વૃક્ષો🔆

*શાંત મન* (સોનેટ – શિખરિણી)

પહાડો ને વૃક્ષો સઘન સરતાં શાંત સઘળા
અવંતિના ખૂણા ધવલ સરજે મૌન પળમાં  
ભરેલાં મેદાનો સતત મલકે; નિત શમણે
ઉમંગે આવીને અરવ પગલે આભ ઝળકે

અદીઠા આધારો, ચરણદલમાં રાસ રમતાં
અને આકારો તો સહજ ઉમટે ભાસ કરતાં 
અનાદિ વ્યાપારો અજબ ચરખે ગોળ ફરતાં
જગાવે જાણે એ સમય નરવા બીજ નમણાં

પહોંચી ક્ષિતિજે સકલ ક્ષણના વ્હાલ વરસે
ભમંતી ભાષાઓ અકળ અરથો કાજ સઘળે
અજાણ્યા આભે તો મનસ રમતું ગેલ કરતું
સુખેથી સંભારે અવર જનને હેત નમતું  

અને કોઈ એવા કસબ કવનોને સરજતું
અને એકાંતોમાં ખરજ ખણકે ગાન ગમતું   

~ લતા હિરાણી

(લગાગા, ગાગાગા, લલલ, લલગા, ગાલલ, લગા)

પ્રકાશિત @ કુમાર @ ઓગસ્ટ 2024 

🌹દિનવિશેષ 1 નવેમ્બર🌹

જ્યોત સંકોરવાની છે