🔆મનોજ ખંડેરિયા ~ આપણી જુદાઈનું🔆

આપણી જુદાઈનું આ ભમ્મરિયું વ્હેણ
મને કોણ જાણે ક્યાંય જશે તાણી

ચંપાની ડાળ જેવું અહીંયાં નિત લીલુંછમ
ઝૂલવા છતાં ન ફૂલ ઊગ્યું
ઝંખ્યાનો કેવડો તો કૉળ્યો ના કોઈ દિ’
ના એકેય વ્રત મારું પૂગ્યું
સુસવાતા દિવસોએ કાગળના જેવી આ
જાતને ક્યાં આજ મૂકી આણી……

જળથી ભીનાશ બધી અળગી થઈ જાય
અહીં ચૈતરના તાપ પડ્યા એવા
અહલ્યાની જેમ મારી ઈચ્છા તો પથ્થર
આ જીવતરના શાપ કોને કે’વા
એકલી કદંબ હેઠ બેઠેલી સૂનમૂન
ધેનુની આંખનું હું પાણી …..

~ મનોજ ખંડેરિયા (6.7.1943 – 27.10.2003)

‘કાવ્યવિશ્વ’ને આવકાર

આપના દ્વારા જે કાવ્યરચનાઓ પોસ્ટ કરવામાં આવે છે એ મને એક નવા જ કાવ્યવિશ્વમાં લઈ જાય છે. મારા મનોભાવોને ઝળહળાવે છે. Thank you very much લતાબહેન આપની સાથે જોડાયાનું મને ગૌરવ છે. ~ રૂપલ અશ્વિન મહેતા

🌹જન્મદિનવિશેષ 5 સપ્ટેમ્બર🌹 

મમતા