🔆કનુ અંધારિયા ~ રાત ગઈ🔆

*સડકે*

રાત ગઈ સંકેલી માયા સડકે-સડકે,
છે હજુ ઓળા પથરાયા સડકે-સડકે.

ભરયૌવનમાં પ્રવેશ કરતી આઝાદી છે,
નગ્ન હજુ છે ભારત જાય સડકે—સડકે.

નથી પેટની આગ બૂઝીના પ્રશ્રો છે
ભૂખ—પીડાનાં વાદળ છાયા સડકે—સડકે.

કોણ કહે છે ધૂરા ચાલે ગાંધી રસ્તે,
ગાંધીનામ અહીં ઢંકાયાં સડકે—સડકે.

અહીં બુદ્ધ, શિવાજી, રાણાપ્રતાપ જાગ્યા,
‘ગેબી’ કેવળ ગીતો ગાયાં સડકે—સડકે.

~ કનુ અંધારિયા

કવિના કાવ્યસંગ્રહ ‘આજ ફરી પાછા મોરલા બોલે’માંથી. સૌજન્ય કવિ મનોહર ત્રિવેદી

*****

કાવ્યવિશ્વ – કવિતા અંગે સર્વ સમાવેશક, આ પ્રથમ ગુજરાતી વેબસાઇટને અભિનંદન. નવી વાત, નવું સાહસ. નવી પેઢીને અનુકૂળ. અભિનંદન. – ડો. પ્રવીણ દરજી

🌹દિનવિશેષ 22 જુલાઈ🌹

તને ખબર છે?