🔆લતા હિરાણી ~ ફેરફુદરડી🔆

ફેરફુદરડી ફરતાં ફરતાં નોતરતાં કબૂતર રે
આવોને સૌ પંખીડા, આ ભોજન છે ભઈ નવતર રે.

ભજીયા મળશે ? પૂછે કોયલ, કુહુ કુહુના સાદે રે
ફરફર ઊડતો પોપટ બોલે, લાડુ તો બહુ ભાવે રે

કલકલ કરતો કલકલિયો કે’, મને જોઈએ પિત્ઝા રે
ડકડક બતકાભાઈ બોલિયા, ભેળપૂરીના જલસા રે

કળા કરંતા મોરની આંખો મોટી મોટી થઈ ગઈ રે
જરી ખમો ને ધીરા થાઓ, હું પણ આવું છું ભઈ રે

ચકચક કરતી ચકલી ચોખા ચાંચ ભરીને લાવી રે
ખુશખુશ ખિસકોલી લે મગની દાળ, સહુને ભાવે રે

કલબલ કરતી બુલબુલ કહેતી, ઊડાઊડ જો કરવી રે
ભૂલો પિત્ઝા-ભેળપુરી, આ ખીચડી પેટે ભરવી રે

કલકલિયા કલશોર કરંતા પંગતમાં જ પીરસતા રે
કલરવ કરતાં પંખીડા સૌ હેતે ભોજન કરતાં રે

~ લતા હિરાણી

****

આજે સહુ સ્વનામ ધન્યતામાં પડ્યા છે ત્યારે એક સંપાદકીય ઉચ્ચ કોટિની સજ્જતા સાથે તમે ડિજિટલ મીડિયાને સાહિત્ય સેવાનું પ્રમુખ માધ્યમ માનીને જે કામ ઉપાડ્યું છે તે કોઇ એકલ વીરાંગનાથી થાય એવું નથી. હું આ ઉપક્રમ તરફ બહુ જ સન્માનથી જોઉં છું. – દિલીપ ભટ્ટ (વરિષ્ઠ પત્રકાર : ગુજરાત સમાચાર)

****

🌹દિનવિશેષ 25 જુલાઈ🌹

હું ને કથા ~ રઘુવીર ચૌધરી