🔆ચંદ્રકાંત ટોપીવાળા ~ જૂનું તો🔆

જૂનું તો થયું દેવળ જૂનું
એમાં તારું શું ગયું ?

દિલમાં દીવો કરો રે દીવો કરો;
રાડો ન પાડ.

બ્રહ્મ લટકાં કરે બ્રહ્મ પાસે; તું
ચાડી ન કર.

આ તન રંગ પતંગ સરીખો; તો
ઊડ, રાજી થા.

તરણાં ઓથે ડુંગર કો ન દેખે;
સાલ્લાં આંધળાં.

વ્રજ વહાલું રે વૈકુંઠ નહિ આવું;
મેં ક્યાં બોલાવ્યો ?

ઊભા રહો તો કહું એક વાત;
હું નવરો નથી.

પ્રેમની પીડા તે કોને કહીએ ?
ભૈ કોઈને નહીં.

મને લાગી રે કટારી પ્રેમની;
હા કાટ ખાધેલી.

જાગીને જોઉં તો જગત દીસે નહિ;
પાછો સૂઈ જા.

~ ચંદ્રકાંત ટોપીવાળા

દરેક પહેલી, ત્રીજી, પાંચમી એમ એકી સંખ્યાની લાઈનોમાં આપણી જાણીતી વાતો છે, પદો છે, ગીતો છે અને નીચેના કવિના હળવા મસ્તીભર્યા જવાબો છે. મજા લેવી હોય તો લઈ જ શકાય.  

***
કવિતા અને કવિતા વિશે આમ વિધવિધ ભૂમિકાએ રહીને ‘કાવ્યવિશ્વ’ પોતાની એક કેડી સ્થાપવા આગળ વધે છે એ જાણી આનંદ. કૃતિપસંદગી અને સામગ્રીની યથાતથતા સર્વોતમ રહેશે તો આવતીકાલે જરૂર એનું એક સ્થાન બનશે. આપને અભિનંદન.- સંજુ વાળા
***

🌹દિનવિશેષ 7 ઓગસ્ટ🌹

તમારા સંતાનના માર્ગદર્શક બનો ~ જગદીશ હિરાણી