🔆લાલજી કાનપરિયા ~ જીવણ!🔆

જીવણ! આમના આવો તો કહું વાત,
કે ઢોલિયામાં ટળવળતી સૂની મધરાત!

આંખ્યુંને કોઈ દિ’ પજવી ન્હોતી તોય શમણાં જોયાનું કીધું પાપ,
પરિણામે કાંખમાં ઘાલીને રઝળું છું છોકરાની જેમ સંતાપ.
મેં તો માનતાય માની પાંચ-સાત,
કે ઢોલિયામાં ટળવળતી સૂની મધરાત!

દીવાને ઝાંખો કરું તો છડેચોક ઘેરી વળે છે નિરાશા,
ઝગતો રાખું તો કોઈ આવીને આપે છે કાળઝાળ અગ્નિના જાસા!
મુંને પાલવે ના ખોટી પંચાત,
કે ઢોલિયામાં ટળવળતી સૂની મધરાત!

માછલીને સપનું આવ્યું તો એકાએક બની ગૈ ધૂળની ડમરી,
વાયરો વાયો, ક્યાંક વરસાદ પડ્યો એવી અફવાની ઊડી છે ભમરી!
મુંને જળનો પીડે છે આઘાત,
કે ઢોલિયામાં ટળવળતી સૂની મધરાત!

~ લાલજી કાનપરિયા (13.8.1943)

કવિના કાવ્યસંગ્રહો : ‘ઝલમલ ટાણું’ (1994), ‘નવા ચંદ્રની કૂંપળ’ (1999), ‘શમણાનાં ચિતરામણ’ (2005), ‘હરિના હસ્તાક્ષર’ (2006) અને ‘સૂર્ય- ચંદ્રની સાખે’ (2007)  

🙏🏻‘કાવ્યવિશ્વ’ની મુલાકાત લેવા બદલ આભાર. પ્રતિભાવ લખશો તો ગમશે. આપ આ સાઇટ subscribe કરો એવી અપેક્ષા.

***

પ્રિય લતાબહેન, ‘કાવ્યવિશ્વ’નું તમારું સ્વપ્ન સાકાર થયું છે તેનો આનંદ. તેનું વૈવિધ્યપૂર્ણ સ્વરૂપ ઊંચી આશા જગવે છે. આ કાવ્યવિશ્વ વિશ્વકાવ્યનો વિસ્તાર સાધે તેવી શુભકામનાઓ. તેનું ફલક સદા સંવર્ધિત થતું રહે તેવી અભિલાષા સાથે અભિનંદન. ~ વિનોદ જોશી
‘કાવ્યવિશ્વ’ વિશે વિદ્વાનોના પ્રતિભાવ  

***

🌹દિનવિશેષ 13 ઓગસ્ટ🌹

બાપુની બકરી