🔆કૃષ્ણ દવે ~ આલ્લે લે🔆

આલ્લે લે આવ્યો વરસાદ !
ગઈકાલે વાદળીને ઇમેલ કર્યો ને આજ વાંચી પણ લીધી ફરિયાદ
આલ્લે લે આવ્યો વરસાદ !

ઝળહળતા જળના ઇ મોતીડાં ઠલવે છે પળભરમાં પાવડે ને પાવડે
વાદળ બનવાનું તો એનું ગજું છે જેને તરસના તરજુમા આવડે
સુતેલા ઝરણાંઓ સાંભળીને જાગી ગ્યા છાંટા વચ્ચેનો સંવાદ
આલ્લે લે આવ્યો વરસાદ !

આમ તો એ મન મૂકી વરસી પડે છે એને ચાતકપણું જ્યાં દેખાય
માટીની મ્હેકને જે માણી શકે ને ભાઈ એને ચોમાસું સમજાય
એકલા કાંઈ મોરલાઓ ટેહુકતા ન્હોતા,આ ઝાડવા’ય પાડતા’તા સાદ 
આલ્લે લે આવ્યો વરસાદ !

~ કૃષ્ણ દવે

વરસાદ આવ્યો, આવ્યો, ફરી ગયો, ગયો અને ફરી આલ્લે લે આવી ગયો વરસાદ… અને આ પંક્તિઓ નોંધજો મિત્રો,
‘વાદળ બનવાનું તો એનું ગજું છે જેને તરસના તરજુમા આવડે’
કે ‘આમ તો એ મન મૂકી વરસી પડે છે એને ચાતકપણું જ્યાં દેખાય’
કવિએ વરસાદ માત્ર અભિધા સ્વરૂપે નથી વરસાવ્યો……

‘કાવ્યવિશ્વ’ પર આપના આગમનને વધાવીએ છીએ. પ્રતિભાવ પણ લખશો ને ! આનંદ આનંદ
***

‘કાવ્યવિશ્વ’ વિશે વિદ્વાનોના પ્રતિભાવો

કવિતા ‘ટોક ઓફ ધ ટાઉન’ થઈ શકે? એક વ્યક્તિ સંસ્થા જેટલું કામ કરી શકે? ઉત્તર મેળવવા જુઓ kavyavishva.com ~ ઉદયન ઠક્કર

***

🌹દિનવિશેષ 16 ઓગસ્ટ🌹

હું ને મારી વાર્તા