🔆જયેન્દ્ર શેખડીવાળા ~ હું  જીવ્યો🔆

હું જીવ્યો છું એવું જીવવું ભારે પડશે
કોઈ ટેકો ના, અધ્ધર થવું ભારે પડશે.

મારા દિલમાં પ્રવેશવાને આવ્યા છોને?
આવો ત્યારે, પણ પાછા જવું ભારે પડશે.

કાંઠા પર ઊભાં ઊભાં જ હોં જોયા કરજો,
તળિયા લગ આવીને નાહવું ભારે પડશે.

ચાહત- બાહતનું ચક્કર ન ચકરાવે તમને,
કોઈને  લૈલા  થઇ  ચાહવું  ભારે પડશે.

પગ ધરતી પર રાખો, આંખમાં છોને વાદળ,
અધ્ધર અધ્ધર તાલે ચાલવું ભારે પડશે.

~ જયેન્દ્ર શેખડીવાળા

લો, આ જ કવિની બીજી ગઝલ. જરા હળવા સૂરમાં આલેખાયેલી.

🙏🏻આપે ‘કાવ્યવિશ્વ’ની મુલાકાત લીધી, આભાર. પ્રતિભાવ લખશો ને! અને આ સાઇટ subscribe જરૂર કરશો.🙏🏻

***

અત્યંત સુઘડ, જીવને ઠારતું, સદ્ય પરિનિવૃત્તિ સાધી આપતું, શાંતિ અને શાતા દાયક, ઊંચી ગુણવત્તાવાળું સાહિત્યિક તથા સર્જનાત્મક સાહિત્ય માણવાનું આવું વિરલ પ્લેટફોર્મ આપવા બદલ આપનો આભાર. અભિનંદન અને શુભેચ્છાઓ ~ જયેન્દ્ર શેખડીવાળા

🌹 દિનવિશેષ 25 ઓગસ્ટ 🌹 

મેં મારું એકાંત