🔆અમર પાલનપુરી ~ કરુણાના તૂટી જતે🔆

કરુણાના તૂટી જતે સર્વ બંધો,
જો નયને પલક કેરા આરા ન હોતે;

જગત પર બધે જલપ્રલય થઈને રહેતે,
જો સાગરને ચોગમ કિનારા ન હોતે.

મોહબ્બતમાં રંગીનીઓ હોત ક્યાંથી,
જો યૌવનના મદભર ઇશારા ન હોતે,

વિરહ રાતનું શું થતે, કોણ જાણે,
ગગનમાં જો અગણિત સિતારા ન હોતે.

સુમનની જવાની સલામત ન રહેતે,
બની જાત વેરાન બાગોની દુનિયા!

ન રોકાત પંજાઓ જાલિમ જગતના,
જો કાંટાના મક્કમ સહારા ન હોતે.

ન મળતે કદી સાંત્વન આ હૃદયને;
મનોરમ જો સૃષ્ટિ નજરની ન હોતે.

બની જાત વેરાન જીવનનું જીવન,
સ્મરણના અગર પુષ્પ-ક્યારા ન હોતે.

અગર એની નજરો ન કહેતે દુબારા,
કવિતા અમર હું સુણાવી ન શકતે,

ઊઠી જાવું પડતે આ મહેફિલથી આજે,
પળેપળ જો મોઘમ ઇશારા ન હોતે.

~ અમર પાલનપુરી (1.9.1935 )

***

‘કાવ્યવિશ્વ’ને આવકાર

‘કાવ્યવિશ્વ’નો નકશો વિશાળ છે અને સંભાવનાઓ અનેક છે. તમે અંતરના ઉમળકાથી આ શરૂ કર્યું છે અને હજી ખૂબ ખીલવશો તેવી આશા છે. ~ મનસુખ સલ્લા

***

સર્જક ‘અમર’ પાલનપુરી

🌹જન્મદિનવિશેષ 1 સપ્ટેમ્બર🌹