🔆મેગી આસનાની ~ જે પ્રેમ🔆

જે પ્રેમ પૂરો થઈ ગયો એ ના જતાવ તું,
બાકીમાં શું હિસાબ રહ્યો એ લખાવ તું.

તકલીફ બેઉ વાતે થશે, પણ જરૂરી છે,
બોલું કે સાંભળું ? હું કરું શું ? બતાવ તું.

ઘરને સજાવી રાખું છું ચારે તરફથી હું,
એવુંય પણ બને કે ના આવીને આવ તું.

માગ્યું બધું તેં હકથી ને આપી દીધું છે મેં,
બસ રાહ જોઉં છું કે ફરજ પણ બજાવ તું.

આખર સવાલ ‘હું’પણાનો છે તો કર શરૂ,
તેં શું કર્યું ને મેંય કર્યું શું, ગણાવ તું.

~ મેગી આસનાની

હૈયાની તળથી ઉઠેલા સવાલો. ‘તું કહે, તેં શું કર્યું?’ પ્રેમમાં હિસાબ ન જ હોય પણ અહીં તો લાગણીના આટાપાટા છે. આપવાની ઈચ્છા અદમ્ય છે તો પામવાની પણ કાળી તરસ છે. એના વગર રોમેરોમ તરસે, નાડીઓમાં લોહી વહેતું બંધ થઈ જાય એવું બને. માત્ર સમર્પણ ભાવથી પ્રેમ કર્યા કરવો એ ગઇકાલની નારીનો આદર્શ હતો પણ આજની નારીને એ સહેજે કબુલ નથી.

‘હું’પણું પુરુષ પાસે તો હોય જ. એ male ego. પણ સ્ત્રીનેય એનો સૂક્ષ્મ ego હોય જ છે. એને બોલવું તો છે જ અને સાંભળવુંયે છે. એક પક્ષીય વ્યવહાર નથી જ ચાલવાનો.  

‘કાવ્યવિશ્વ’ને આવકાર

ગુજરાતી કાવ્યસાહિત્ય માટે એક ભગીરથ કહી શકાય એવું કાર્ય તમે ઉપાડયું છે. કાવ્યો વિશેની સ્વરૂપગત માહિતી, સુંદર કાવ્યો, કવિપરિચય, આસ્વાદો અને કાવ્યસંગીતની લિન્ક…. શું જોઈએ બીજું! ~ મીનાક્ષી ચંદારાણા

🌹જન્મદિનવિશેષ 14 સપ્ટેમ્બર🌹 

  

આ મારા પ્રિય સર