🔆મીનપિયાસી ~ હું પગલું માંડું એક🔆

હું પગલું માંડું એક,
પગલે પગલે શ્રદ્ધા પ્રગટી, પહોંચાડી દે છેક.
હું પગલું માંડું એક.

પગલું મારું પાકું હોજો, ધીરું છો મંડાય,
ડગલે ડગલે દિશા સૂઝે ને મારગ ના છંડાય,
પથ્થ૨ ને રેતીનો મનમાં સાબૂત રહે વિવેક.
હું પગલું માંડું એક.

કાદવનાં કળણોથી ચેતું, જાવું આગે આગે,
નક્કર ભોમે ચાલું, છોને કંટક-કંક૨ વાગે,
એવું પગલું માંડું જેથી આવે સાથ અનેક.
હું પગલું માંડું એક.

~ દિનકરરાય ભટ્ટ ‘મીનપિયાસી’ (21.9.1910 – 2000)

‘કાવ્યવિશ્વ’ને આવકાર

વાહ… અતિ સુંદર. ‘કાવ્યવિશ્વ’ દ્વારા સ્તુત્ય કાર્ય થઈ રહ્યું છે. તમારો પુરુષાર્થ રંગ લાવશે. આભાર અને અભિનંદન લતામે’મ ~ રીંકું રાઠોડ 

🌹જન્મદિનવિશેષ 21 સપ્ટેમ્બર🌹 

એક ક્ષણ