🔆ઉશનસ ~ અષાઢે તણખલું🔆

અષાઢે તણખલું ના તોડીએ જી,

એ જી, એ તો ફૂટતું રે ઘાસ,
એમાં ધરતીના શ્વાસ,

એની પત્તીની પીમળમાં પોઢીએ જી…
અષાઢે તણખલું ના તોડીએ જી.

પ્રભાતે પછેડિયું ના ઓઢીએ જી,

એ જી, આવ્યાં અજવાળાં જાય,

આવ્યા વાયુયે વળી જાય,

આવ્યા રે અતિથિ ના તરછોડીએ જી….
અષાઢે તણખલું ના તોડીએ જી.

તારે આંગણિયે ઊગ્યું એ પરોઢિયે જી,

એ જી, એ તો ફાગણ કેરું ફૂલ,

એમાં એવી તે કઈ ભૂલ ?

પરથમ મળિયા શું મુખ ના મોડીએ જી….
અષાઢે તણખલું ના તોડીએ જી.

~ ઉશનસ્

‘કાવ્યવિશ્વ’ને આવકાર

ખૂબ સરસ કાવ્યો અને સુંદર આસ્વાદ. આભાર આ રસથાળ પીરસવા બદલ. ~ કીર્તિદા બ્રહ્મભટ્ટ 

🌹જન્મદિનવિશેષ 28 સપ્ટેમ્બર🌹