🔆લતા હિરાણી ~ જીવણજી🔆 -

🥀 🥀

પ્રકાશિત @ કવિલોક @ ઓક્ટોબર 2020

જીવણજી જીવને કાઢો ધાર

જીવનગાડી તાણ્યે જાતાં, જીવન નહીં લગાર
ઠેલમઠેલે ઠેલ્યે જાતાં, વિપદાનો નહીં પાર
હવે તો માર નહીં તો તાર, જીવણજી જીવને કાઢો ધાર……

ઉપર આભ ઉઘાડું દીધું, ટાઢી હિમ છે ધરતી
વેરી આંખે વાયુ વાતો, કાયા રે થરથરતી
પડખે લૂગડાની વખાર, જીવણજી જીવને કાઢો ધાર ……

રાતીચોળ સૂરજની આંખો, ધખતી દેતી ડાર
તૂટેલું તન દા’ડી ખેંચે, આકરી વેઠ અપાર
અમારે સહેવી સાતે વાર, જીવણજી જીવને કાઢો ધાર…..

ભૂખે મરતાં છોકર-છૈયા, ધરી નિસાસા અંતર
મૂંગામંતર ઉભા મહેલમાં, સાલ્લા જાદુ જંતર
એને ધાન ભર્યા ભંડાર, જીવણજી જીવને કાઢો ધાર…

હોય અગન કે વરસે હેલી, બારે માસ બબાલ
અમે જ કીડા અમે મકોડા, કચડે અમને કાળ
ક્યાં લગ આ વેંઢાર ? જીવણજી જીવને કાઢો ધાર….

ભરચક ભીંતો સાંભળજો રે, વાર નહીં જરાય
દાગી જાશે દશે દિશા, જો કાળજ ઉપડી લ્હાય
એ કરશે આર ને પાર, જીવણ જો કાઢે જીવને ધાર….

~ લતા હિરાણી 22.1.2020

Kishor Barot

27/09/2026 at 9:50 am

સુંદર અભિવ્યક્તિ

Harshad Dave
27/09/2026 at 10:15 am

સરસ રચના. અભિનંદન.

Loading...

છબીલભાઈ ત્રિવેદી

27/09/2026 at 9:56 am

વાહ ખુબ સરસ રચના જીવન ની વિટંબણા સુંદર રીતે રજુ થઈ છે ખુબ ખુબ અભિનંદન

વંદના બ્રહ્મભટ્ટ 'નેહ'
27/09/2026 at 10:13 am

લાજવાબ કાવ્ય… જીવનની આપદાઓ વચ્ચે જિંદગી… ગીત દાદ માંગી લે તેવું.🌹

Loading...

Anonymous

27/09/2026 at 11:17 am

વાહ લતાબહેન, આપની રચના ખૂબ ગમી.ખૂબ અભિનંદન.

'સાજ' મેવાડા

27/09/2026 at 6:45 pm

વાહ, ખૂબ જ સરસ શબ્દ ચયન સાથે વિચારતા કરી દે એવી રચના. આધ્યાત્મિક અનુભવ પણ થાય.

Devika Dhruva

27/09/2026 at 9:26 pm

‘બારે માસ બબાલ’ની ચિત્રાત્મક રજૂઆત.
છેલ્લી પંક્તિઓમાં ‘દાગી જશે દિશાઓ’ માં ‘દાગી’ શબ્દનો એકદમ ઉચિત પ્રયોગ ગમ્યો. અને આખા કાવ્યમાં ‘જીવણજી જીવને કાઢો ધાર….’ કહેતાં કહેતાં અંતિમ લાઈનમાં ‘જીવણ જો કાઢે જીવને ધાર’….દ્વારા બખૂબી હાર્દને ઉપસાવ્યું.- ‘જી’ ને બદલે ‘જો’ માં તો ઘણું બધું કહી દીધું, લતાબહેન.
એ કરશે આર ને પાર, જીવણ જો કાઢે જીવને ધાર…મઝા આવી ગઈ.

Sarla Sutaria

27/09/2026 at 11:29 pm

આખું કાવ્ય સુંદર પણ છેલ્લી લાઈનમાં મજા આવી ગઈ. કાવ્યનો પૂરો સાર સમાઈ ગયો.

🔆લતા હિરાણી ~ જીવણજી🔆

Like this:

Related

8 thoughts on “🔆લતા હિરાણી ~ જીવણજી🔆”

Leave a Comment Cancel Reply