🔆દીપ્તિ ભગત વછરાજાની ~ રણઝણે વાદ્ય🔆 -

રણઝણે વાદ્ય ને ઝણઝણે છંદ-લય હીંચકે,
શારદે અંકમાં વિશ્વનું વાડ્મય હીંચકે.

અંકુરિત શબ્દમાં આવ તું, વ્યાપ તું, માતૃકા,
ચઈડ-ચીં જિંદગી તે પછી કાવ્યમય હીંચકે.

લોહીના ગ્રંથમાં તું ગીતાજ્ઞાન ઓ ભારતી,
શૌર્યને ટોડલે એટલે જય-વિજય હીંચકે.

આપણા સંગમે જ્ઞાનદા તીર્થ આ અવતરે,
ઝૂમતો તાનમાં હીંચ લઈ ‘ને અભય હીંચકે.

યુગ હતા, યુગ પછી યુગ હશે કે કળાધારિણી,
ઠેસ ૫૨ ઠેસ દઈ, વા૨સો લઈ સમય હીંચકે.

~ દીપ્તિ ભગત વછરાજાની ‘શિવા’

મા શારદે, દેવી સરસ્વતીને મધુર અર્ઘ્ય.

શબ્દોના અવતરણ પછી એક વ્યર્થ જિંદગી અર્થસભર બની જાય છે એની કેવી સરસ રજૂઆત !

‘ચઈડ-ચીં જિંદગી તે પછી કાવ્યમય હીંચકે’

અનંતના હીંચકે શબ્દ ઝૂલે છે….

‘કાવ્યવિશ્વ’ને આવકાર

ખૂબ સરસ કાવ્યો અને સુંદર આસ્વાદ. આભાર આ રસથાળ પીરસવા બદલ. ~ કીર્તિદા બ્રહ્મભટ્ટ

🌹જન્મદિનવિશેષ 28 સપ્ટેમ્બર🌹

છબીલભાઈ ત્રિવેદી

28/09/2026 at 8:53 am

વાહ સરસ રચના ગમી માં વિણાવાદીની ની સ્તુતિ અભિનંદન

Anonymous

28/09/2026 at 6:49 pm

વાહ… ગાલગાનાં ૫ આવર્તનોમાં બહુ ઓછી ગઝલ ખેડાઈ છે. તે પણ એક અલગ કાફિયામા અને વળી સરસ્વતીની સ્તુતિ!
ખૂબ સુંદર રચના. દીપ્તિબહેન, અભિનંદન.

'સાજ' મેવાડા

28/09/2026 at 8:51 pm

આદરણીય કવયિત્રી ‘શિવા’ની દરેક ગઝલ, રચના જરા હટકે અને મનનિય હોય છે, આ પણ એમની અનોખી માર્મિક ગઝલ, વાહ.

🔆દીપ્તિ ભગત વછરાજાની ~ રણઝણે વાદ્ય🔆