🔆ચિનુ મોદી ~ વૈષ્ણવ છે🔆

વૈષ્ણવ છે પીટ્યો છતાં ઈંડા-બીંડાં ખાય ?
હા, હા ! ખાય..
ખાવું નામે ભઠિયા૨ ગલીમાંયે જાય…

પદ્ય અને મદ્યને સમાનરૂપે ટેવે
કાળજુંય બાળીબાળી સિગારેટ સેવે.
શ્વેતકેતુ મસ્તકમાં બંડના વાયુઓ ભમે
વળી એમાં ગઝલના સિક્કાઓનું કારખાનું ધમધમે…

કલમની ટોચ કેવી ?
મધ્યયુગી યોદ્ધા જેવી !
નવલકથાના કોઈ નાયકની જેમ સદા
સાહિત્યના સર્વ તીર્થ પગપાળા ઘૂમે
કવિતાય મઘ જેમ પીવે અને ઝૂમે.

બાંધી શકે નહીં તેને કોઈ પણ જેલ
નાટક તો એને ડાબા હાથ તણો ખેલ…
ચશ્માંમાંથી પ્રેમભરી આંખો જુએ જેને
નખશીખ પોતીકો બનાવી દીએ એને

~ ચિનુ મોદી

‘કાવ્યવિશ્વ’ને આવકાર

કેટલાક જૂનાં તો કેટલાક નવા કાવ્યો, બધાની ગૂંથણી એવી સરસ કરી છે જેમ અંબોડે મોગરાની વેણી. આપની મહેનતે આ બગીચો મઘમઘી રહ્યો છે. એની સુવાસ ચારેકોર પ્રસરી રહી છે. ~ ગીતા પંચાલ

🌹જન્મદિનવિશેષ 29 સપ્ટેમ્બર🌹