🔆સુરેશ દલાલ ~ આટઆટલી પથરાઈ🔆

*એકલો દરિયો*

આટઆટલી પથરાઈ છે રેતી તોયે સાવ એકલો દરિયો;
મોજાંઓની માયા અહીંયાં વહેતી તોયે સાવ એકલો દરિયો !

બપોરના સૂરજમાં એની એકલતા અમળાય
અને રાતના અંધારું થઈ એકલતા સંભળાય.
રંગરંગની માછલીઓ ને મોતી તોયે સાવ એકલો દરિયો !
મોજાંઓની માયા અહીંયાં વહેતી તોયે સાવ એકલો દરિયો !

પંખીની છાયામાં દરિયો કણસે ખારું ખારું,
તરડાયેલા તરંગથી હું ચહેરાને કંડારું.
ઝીણીઝીણી જાળ નજરની જોતી : મારો સાવ એકલો દરિયો
મોજાંઓની માયા અહીંયાં વહેતી તોયે સાવ એકલો દરિયો.

~ સુરેશ દલાલ

‘કાવ્યવિશ્વ’ને આવકાર

લતાબેન, હૃદયપૂર્વક અભિનંદન, ખૂબ સરસ અને અદભૂત રચનાઓ ‘કાવ્યવિશ્વ’ થકી નિયમિત માણવા મળે છે. ~ રેખા ભટ્ટ

🌹દિનવિશેષ 7 ઓક્ટોબર🌹

એક ક્ષણ