🔆સુરેશ દલાલ ~ ડોસાએ ડોસીને🔆

*એકબીજાને રાજી*  

ડોસાએ ડોસીને જીદ કરી કહ્યું:
ડોશી કહે સવાર પડી : ડોસો કહે હાજી.
ડોસો કહે રાત પડી : ડોશી કહે હાજી.
હાજી હાજી હાજી હાજી હાજી હાજી હાજી
બન્ને કરતાં એકમેકને વારાફરતી રાજી.

બન્ને જણાં વાતો કરે : કરે હોંશાતોંશી
મનથી રહ્યાં તાજાંમાજાં : શરીરની ખામોશી
ડોસો બ્હારથી થોંથા લાવે : ડોશી લાવે ભાજી.
બન્ને કરતાં એકમેકને વારાફરતી રાજી.

ડોશીના દુ:ખે છે ઘૂંટણ : ડોસો ધીમે ચાલે.
એકમેકનો હાથ પકડી નાટકમાં જઈ મ્હાલે.
સિગારેટના ધુમાડાથી ડોશી જાયે દાઝી.
બન્ને કરતાં એકમેકને વારાફરતી રાજી

બન્નેના રસ્તા જુદા : પણ બન્ને પાછા એક
એકમેક વિના ચાલે નહીં : લખ્યાં વિધિએ લેખ
વરસે તો વરસે એવાં : પણ ક્યારેક રહેતા ગાજી.
બન્ને કરતાં એકમેકને વારાફરતી રાજી.

~ સુરેશ દલાલ

આજે આ બીજું કાવ્ય સાવ જુદા મિજાજનું! અને મજાનું….

ડોસા-ડોસી થવાય ત્યાં સુધી જીવવાની મજા જળવાય તો એના જેવું રૂડું બીજું છું? ભલે આ કવિની કલ્પના રહી, પણ આ કલ્પનાય કોઈને જચી જાય અને એના માટે કૈંક પ્રયત્ન કરે તો બેટર તો થવાનું જ!

આમાં એક શરત !

આવાં ગીતો પતિ-પત્ની બંનેએ સાથે ગાવાનાં. રોજ સવારે ઊઠીને અને રાતે સૂતાં પહેલા આવું ગીત સાથે ગાવાનું ફરજિયાત. ભલે ને બેસુરા ગળે !

આવું પ્રીસ્ક્રિપ્શન લખી આપનારા ડોકટરોની વહેલી તકે જરૂર છે.

લખો યા મળો > કાવ્યવિશ્વ.કોમ

‘કાવ્યવિશ્વ’ને આવકાર

વાહ લતાબહેન, ખૂબ મહેનતથી ‘કાવ્યવિશ્વ’ સરસ સજાવ્યું છે. અભિનંદન અને શુભેચ્છાઓ. ~ છાયા ત્રિવેદી

આપ પણ ‘કાવ્યવિશ્વ’ માટે આપનો પ્રતિભાવ મોકલી શકો છો.  

🌹દિનવિશેષ 19 ઓકટોબર🌹