🔆મુકેશ જોગી ~ ઈશ્વર જો🔆

ઈશ્વર જો તારાં મૌનની સીમા નહીં રહે,
જીવન હશે છતાં જિજીવિષા નહીં રહે.

મારી મને કરાવી દે ઓળખ તું એકવાર,
આ જીવને પછી કશી દ્વિધા નહીં રહે.

મેઢકનો જાય જીવ રમત થાય કાગને,
જો દેડકો નહીં રહે, ક્રીડા નહીં રહે.

નિર્માણ બૂંદથી છે, તો નિર્વાણ ખાખ છે,
સમજાય સૌને આટલું, દીક્ષા નહીં રહે

તું સૂર્ય છે તો, એય પણ તારો જ અંશ છે,
ઇજ્જત થશે લીલામ જો દીવા નહીં રહે.

બસ એ જ ડરથી હું હવે લખતો નથી કશું
કવિતા રચાઈ જાશે તો પીડા નહીં રહે.

‘જોગી’ સમય આ એક સરીસૃપ છે છતાં,
કિસ્સા નહીં રહે, અને લીટા નહીં રહે.

~ મુકેશ જોગી

લગભગ દરેક શેર એક પડકાર લઈને આવે છે. કવિનું આ જ તો કામ છે. સ્થાપિત સત્યોને પડકારવાનું કે સ્થાપિત સત્તા સામે લડવાનું!

‘કાવ્યવિશ્વ’ને આવકાર

લતાબેન, ‘કાવ્યવિશ્વ’ દ્વારા આપ ખૂબ સરાહનીય કાર્ય કરી રહ્યા છો. આધુનિક ‘કાવ્યવિશ્વ’ કેવા કલેવર બદલી રહ્યું છે એની ઝીણવટપૂર્વક સમીક્ષા અને વિવિધ વિષયોની છણાવટ ગમે છે. કાવ્યોની અવનવી ભટો-રંગો તથા કવિઓના પરિચય અને કાવ્યો સાથેની જોડાયેલી યાદોનો ખજાનો કાવ્યના અભ્યાસ માટે પણ ઉપકારક નીવડે તેવો છે. ‘કાવ્યવિશ્વ’ સિદ્ધિના અનેક શિખરો સર કરે તેવી શુભેચ્છા. ~ ભારતી પ્રજાપતિ  

🌹દિનવિશેષ 20 ઓકટોબર🌹