🔆જયંત પાઠક ~ રમતાં રમતાં🔆

*માણસ છે*

રમતાં રમતાં લડી પડે ભૈ, માણસ છે,
હસતાં હસતાં રડી પડે ભૈ, માણસ છે.

પહાડથીયે કઠણ મક્કમ માણસ છે,
દડદડ દડદડ દડી પડે ભૈ, માણસ છે.

ચંદર ઉપર ચાલે ચપચપ, માણસ છે,
ને બે ડગલે ખડી પડે ભૈ, માણસ છે.

સૂર્યવંશીનો પ્રતાપ એનો, માણસ છે,
ભર બપ્પોરે ઢળી પડે ભૈ, માણસ છે.

પૂજાવા ઝટ થયા પાળિયા, માણસ છે,
ટાણે ખોટ્યું પડી, પડે ભૈ, માણસ છે.

~ જયંત પાઠક – (20.10.1920 – 1.9.2003)

(ક્ષણોમાં જીવું છું, 1997)

‘કાવ્યવિશ્વ’ને આવકાર

લતાબેન, ‘કાવ્યવિશ્વ’ દ્વારા આપ ખૂબ સરાહનીય કાર્ય કરી રહ્યા છો. આધુનિક ‘કાવ્યવિશ્વ’ કેવા કલેવર બદલી રહ્યું છે એની ઝીણવટપૂર્વક સમીક્ષા અને વિવિધ વિષયોની છણાવટ ગમે છે. કાવ્યોની અવનવી ભટો-રંગો તથા કવિઓના પરિચય અને કાવ્યો સાથેની જોડાયેલી યાદોનો ખજાનો કાવ્યના અભ્યાસ માટે પણ ઉપકારક નીવડે તેવો છે. ‘કાવ્યવિશ્વ’ સિદ્ધિના અનેક શિખરો સર કરે તેવી શુભેચ્છા. ~ ભારતી પ્રજાપતિ  

🌹દિનવિશેષ 20 ઓકટોબર🌹