🔆મહેન્દ્ર જોશી ~ કોઈ તિમિરને🔆 -

કોઈ તિમિરને દરિયે જઈને ફીણ સમું શું જોતી?
આવ તને પહેરાવી દઉં અજવાળાનું મોતી!

સ્હેજ અચાનક અડક્યો ને એકાંત ગયું રે તૂટી
ખિલખિલ કરતી ભાષાની કળીઓને અમથી ચૂંટી
પોઠ ભરેલી આંખોને મેં લૂંટી સપના સોંતી
આવ તને પહેરાવી દઉં અજવાળાનું મોતી!

કોણ કહે છે જંગલ આખ્ખું ભરચક્ક પથ્થર પંખી
છોડ અરે આ જંગલ-બંગલ આભ સમું કૈં ઝંખી
કોઈ મળેલા પીંછમાં પંખીના ટહુકા ગોતી
આવ તને પહેરાવી દઉં અજવાળાનું મોતી!

~ મહેન્દ્ર જોશી

🌹દિનવિશેષ 23 ઓકટોબર🌹

🔆મહેન્દ્ર જોશી ~ કોઈ તિમિરને🔆

Like this:

Related

2 thoughts on “🔆મહેન્દ્ર જોશી ~ કોઈ તિમિરને🔆”

Leave a Comment Cancel Reply