🔆કૃષ્ણ દવે ~ ચહેરા કરતાં🔆 

*વંદાભાઈ અને મુચ્છ* 25.10.26

ચહેરા કરતાં સાતગણી લંબાઈ શું કામે રાખું ?
વંદાભૈ ક્યે હું તો હમણાં મુચ્છ મુંડાવી નાંખું.

શું બોલે છે એનું ભઈલા તને કાંઈ છે ભાન ?
દાદાજી ક્યે મુચ્છ આપણાં ખાનદાનની શાન !
મુચ્છ વિનાનું તુચ્છ લાગશે જીવન આખેઆખ્ખું
વંદાભૈ ક્યે હું તો હમણાં મુચ્છ મુંડાવી નાંખું.

વંદાભૈ ક્યે તમે કહો તે ગીત હવે નહીં ગાઉં,
આ જ મુચ્છને કારણ હું તો ટ્રાફિકમાં અટવાઉં !
મુચ્છેથી પકડાઈ જાઉં જો સ્હેજ વાનગી ચાખું
વંદાભૈ ક્યે હું તો હમણાં મુચ્છ મુંડાવી નાંખું.

આજકાલના જુવાનિયાઓ કહ્યું કદી ના માને,
દાદાજી ક્યે કહો ન્યાતમાં કોણ પરણશે આને ?
બીજાનાં ચશ્માં પહેરે તો બધુંય લાગે ઝાંખું.
વંદાભૈ ક્યે હું તો હમણાં મુચ્છ મુંડાવી નાંખું.

~ કૃષ્ણ દવે

કોક્રોચ – વંદાભાઈ આજકાલ ખૂબ ચર્ચામાં છે. અલબત્ત આ તો કવિએ વર્ષો પહેલાં લખેલું બાળગીત છે. અને બાળકો તથા વડીલોને મજા પડે એવું.

‘કાવ્યવિશ્વ’ને આવકાર

बहुत ही सुंदर कार्य, अदभुत रचनाए। ~डो. निशा जोशी

આપ પણ ‘કાવ્યવિશ્વ’ માટે આપનો પ્રતિભાવ મોકલી શકો છો.  

🌹દિનવિશેષ 25 ઓકટોબર🌹

ભીતર ને ભીતર