🔆રમેશ આચાર્ય ~ ફૂલ જેવું🔆

ફૂલ જેવું ઝૂકજો હળવેકથી
ઓસ મોતી મૂકજો હળવેકથી

નીંદ કાચાં કણસલાં શી મુજ હશે
રીસ છોડી કૂકજો હળવેકથી.  

રાખ ચિનગારીને બાઝી ગઇ ભલે
લૈ ચલમમાં ફૂંકજો હળવેકથી

દોષની યાદી તો દરિયા જેવડી
મૃત્યુવેળા ચૂકજો હળવેકથી.

હું કરું છું ગઝલ ગોષ્ઠી જાગતાં
સ્વપ્નમાં તો ઢૂકજો હળવેકથી ………

~ રમેશ આચાર્ય (26.10.1943 – )

‘કાવ્યવિશ્વ’ને આવકાર

લતાબેન, આપ સાહિત્યને ધબકતું રાખવાના જે પ્રયાસ કરો છો તે માટે દિલથી સલામ. ~ નેહા સુનિલ યાજ્ઞિક
આપ પણ ‘કાવ્યવિશ્વ’ માટે આપનો પ્રતિભાવ મોકલી શકો છો.  

🌹દિનવિશેષ 26 ઓકટોબર🌹 

ક્ષણેક્ષણની યાત્રા