🔆પથિક પરમાર ~ વસ્ત્ર ભગવા રંગના🔆

વસ્ત્ર ભગવા રંગના પહેરી ફરે
એમનાયે દાંત ખાટા હોય છે

મંદિરોના દેવ અભડાઈ જશે
ભક્તનાયે સાદ ઘાટા હોય છે.

દફનાવવા કે બાળવા બોલી કબીરને
કોના ફળીમાં ફેંકશું દાતણની ચીરને?

જાતને તરછોડવાનો મેળ કંઈ પડતો નથી
ભૂખને ભંડારવાનો મેળ કંઈ પડતો નથી

આ હઠીલું દર્દ વર્ણોનું કશું ગાંઠે નહીં
વેદના ખંખેરવાનો મેળ કંઈ પડતો નથી.

પૂરી કરીને માનતા માણસ મરી ગયો
પરસાદ સહેજ ચાખતા માણસ મરી ગયો

આ કોમવાદ કોઈનો ક્યાં થાય છે સગો?
જાતિનો જંગ જામતા માણસ મરી ગયો.

~ પથિક પરમાર

‘કાવ્યવિશ્વ’માં સ્વાગત છે,
ડો. પથિક પરમારની શ્રેષ્ઠ દલિત કવિતાઓ * સંપાદક ડો. હાસ્યદા પંડ્યા * ગુજરાતી દલિત સાહિત્ય અકાદમી 1967

‘કાવ્યવિશ્વ’ને આવકાર

તમે આ છપ્પનભોગનો રસથાળ મોકલાવો છો એ માટે હું ઋણી છું. હરરોજ ઉત્તમ કાવ્યો પીરસવા બદલ વંદન. ‘કાવ્યવિશ્વ’ને જે ઊંચાઈ બક્ષવાની તમારી સંકલ્પનાઓ સાકાર થાય તેવી શુભેચ્છાઓ. ~ કિશોર બારોટ
આપ પણ ‘કાવ્યવિશ્વ’ માટે આપનો પ્રતિભાવ મોકલી શકો છો.  

🌹દિનવિશેષ 4 નવેમ્બર 🌹 

સુરેશદાદા