🔆સુશીલા ઝવેરી ~ ગીત ગયું ખોવાઈ🔆

ગીત ગયું ખોવાઈ,
મનનું ગીત ગયું ખોવાઈ, ત્યાં મુજથી ગયું રોવાઈ

મળ્યું નહીં વસ્તીમાં તે મેં ઢૂંઢ્યું સ્થળ નિર્જનમાં,
તરુ લતા પંખીકલરવમાં શોધ્યું વનઉપવનમાં,
ક્યાં રહ્યું હશે સંતાઈ?….

ચંદન – સૌરભ થૈ બેઠું કે થયું સરિતાલહરી?
પુષ્પપરિમલ બની ગયું શું દશે દિશામાં પ્રસરી?
એવી છલના રહે છવાઈ….

કોકિલના કૂજનમાં જોયુ, ભૃંગોના ગુંજનમાં,
ઊઠી ઊઠી સંદેહ હજારો શમતા મારા મનમાં.
વ્યાકુળ બની રહું અકળાઈ…

ગીત ગયા હો મયૂર ચૂગી તો વર્ષા ઋતુએ મળશે,
બીજ કણ રૂપે ધરતીમાં જો પડ્યું હશે તો ફળશે,
હશે ત્યાં રહ્યું હશે જળવાઈ…..

~ સુશીલા ઝવેરી (3.11.1920 – 2007)

‘કાવ્યવિશ્વ’ને આવકાર

તમે આ છપ્પનભોગનો રસથાળ મોકલાવો છો એ માટે હું ઋણી છું. હરરોજ ઉત્તમ કાવ્યો પીરસવા બદલ વંદન. ‘કાવ્યવિશ્વ’ને જે ઊંચાઈ બક્ષવાની તમારી સંકલ્પનાઓ સાકાર થાય તેવી શુભેચ્છાઓ. ~ કિશોર બારોટ
આપ પણ ‘કાવ્યવિશ્વ’ માટે આપનો પ્રતિભાવ મોકલી શકો છો.    

🌹દિનવિશેષ 4 નવેમ્બર 🌹 

સુરેશદાદા