🔆મનુભાઈ ત્રિવેદી ‘ગાફિલ’ ~ ઊઠતી બજારે🔆

ઊઠતી બજારે હાટ હવે કેટલો વખત ?
વહેવારના ઉચાટ હવે કેટલો વખત ?

કાનાએ કાંકરી લીધી છે હાથમાં ,
અકબંધ રહેશે માટ હવે કેટલો વખત ?

પગરણ થઈ ચૂક્યાં છે હવે પાનખર તણાં ;
ફૂલડાંઓ ફાટ ફાટ હવે કેટલો વખત?

સંધ્યા ઉષા જલાવી રહી છે હવે ચિતા ;
ટકવાનાં આટકાટ હવે કેટલો વખત?

જયારે હવેલી સાવ ધરાશાયી થઈ રહી ,
ત્યારે ખટૂકશે ખાટ હવે કેટલો વખત?

ખૂટી રહ્યું દિવેલ ને કજળી રહી છે વાટ ;
જ્યોતિ ઝગવશે પાટ હવે કેટલો વખત?

‘ગાફિલ’, તમારો ઘાટ ઘડાવાની છે ઘડી;
ઘડશો ઘણેરા ઘાટ હવે કેટલો વખત?

~ મનુભાઈ ત્રિવેદી ‘ગાફિલ’ ‘સરોદ’ (27.7.1914-9.4.1972)

***

લતાબહેને ‘કાવ્યવિશ્વ’ વેબસાઇટ શરૂ કરીને એમાં કવિતા, કવિતાનો આસ્વાદ, અનુવાદ, સર્જકનો પરિચય આપીને એ પોતાની પસંદગી દાખવી છે અને ભાવકોની રુચિ કેળવે છે. એમની આ પ્રવૃત્તિ આદર જગવે છે. શુભેચ્છાઓ સાથે. – રઘુવીર ચૌધરી

***

🌹દિનવિશેષ 28 જુલાઈ🌹

પહેલીવાર દેશ છોડ્યો’તો