🔆રક્ષાબહેન દવે ~ ‘ક’ ના લટકા🔆 -

‘ક’ ના લટકા

ક – ‘ક’ને કોઈ નહીં સંગાથે;
‘ક’ને કાંઈ નહીં ક.

કા – ‘ક’એ લાકડી લીધી હાથે;
‘ક’ને કાનો કા.

કિ – ‘ક’એ જમણે ઓઢ્યો ખેસ;
‘ક’ને હસ્વઈ કિ.

કી – ‘ક’એ ડાબે ઓઢ્યો ખેસ;
‘ક’ને દીર્ઘઈ કી.

કુ – ‘ક’એ વાળી છે પલાંઠી;
‘ક’ને હસ્વઉ કુ.

કૂ – ‘ક’એ લાંબો કીધો પગ;
‘ક’ને દીર્ઘઊ કૂ.

કે – ‘ક’એ માથે ખોસ્યું પીંછું;
‘ક’ને એક માતર કે.

કૈ – ‘ક’ને સસલા જેવા કાન;
‘ક’ને બે માતર કૈ.

કો – ‘ક’એ માથે ઓઢી ટોપી….
ને હાથમાં લીધી સોટી;
‘ક’ને કાનો માતર કો.

કૌ – ‘ક’એ ટોપી ઉપર પીંછું ખોસી
હાથમાં લીધી સોટી;
‘ક’ને કાનો, બે માતર કૌ.

કં – ‘ક’એ માથે કીધું ટીલું;
‘ક’ને માથે મીંડું કં.

ક: – ‘ક’એ કાંઈ સુશોભન કીધાં !
પડખે બે ફૂમતડાં ટાંક્યાં;
‘ક’ને આગળ બે મીંડાં ક:
‘ક’ને વિસર્ગ લાગે ક:.

~ રક્ષાબહેન દવે

કક્કો શીખવવાનું કેવું મજાનું ગીત!

***
નવું સાહસ સરસ આવકાર પામી રહ્યું જોઈને ખુશી થાય છે. તમે નિત્યનવી સામગ્રી માટે ઉમંગ અનુભવો એવી શુભેચ્છાઓ. ~ જયંત મેઘાણી
***

🌹દિનવિશેષ 8 ઓગસ્ટ🌹

ચુનમુન ને કાલુ

Rekha Bhatt

08/08/2026 at 9:08 am

રક્ષાબેનનું ગીત હું યાદ રાખીને બાળકોને ગવડાવીશ. બહુ મજાનું ગીત 🙏

છબીલભાઈ ત્રિવેદી

08/08/2026 at 9:23 am

વાહ ખુબ સરસ કક્કાસાથે બારાક્ષરી ખુબ ગમ્યુ અભિનંદન

Jyoti hirani Hirani

08/08/2026 at 10:24 am

વાહ હસતા રમતા શીખવાડી શકાય
ને શીખી શકાય એવા લટકા ક ના.
વંદન રક્ષાબેન.

'સાજ' મેવાડા

08/08/2026 at 1:34 pm

વાહ, બાળકોને ખૂબ જ સરસ ગમે, શીખે એવું ગીત.

Anonymous

09/08/2026 at 7:41 am

‘કાવ્યવિશ્વ’ની મુલાકાત લઈ પ્રતિભાવ લખનાર મિત્રોનો ખૂબ ખૂબ આભાર.
‘કાવ્યવિશ્વ’ની મુલાકાત લેનારા મિત્રોનો પણ એટલો જ આભાર.
https://kavyavishva.com

Rajesh Hingu

09/08/2026 at 9:22 am

વાહ

Waaah
Rakshaben
K
Ni khub maza aavi
Maheshwari
H
Mehta

🔆રક્ષાબહેન દવે ~ ‘ક’ ના લટકા🔆