🔆કિરણસિંહ ચૌહાણ ~ બાળક ચાલ્યું🔆

બાળક ચાલ્યું સ્કૂલે
સર્વ દિશાનાં કમાડ એનાં પગલે પગલે ખૂલે.

સવારે ઊઠ્યું ત્યારથી એ ડાહ્યું–ડમરું બોલે,
મનમાં મનમાં કૈંક વિચારી હસે અને ડોલે.
જિદ્, વરણાગી, તોફાનો – આ સઘળું નાખી ચૂલે…  
બાળક ચાલ્યું સ્કૂલે

નોટ, રબર, પેન્સિલ આપ્યાં, નાસ્તાનો ડબ્બો ક્યાં?
મમ્મી તારા સ્વભાવ જેવો પેલો મુરબ્બો ક્યાં?
મનગમતું એ યાદ કરે ને અણગમતું એ ભૂલે..
બાળક ચાલ્યું સ્કૂલે

પતંગિયાએ પૂછયું એને ‘દફતર ઊંચકી લઉં?’,
હવા કહે કે ‘ચાલ તને હું અધ્ધર ઊંચકી લઉં’
કેટકેટલા વિસ્મય એની પાંપણ વચ્ચે ઝૂલે..
બાળક ચાલ્યું સ્કૂલે

~ કિરણસિંહ ચૌહાણ

બાળકનો શાળાપ્રવેશ, કેવો મંગલમય અને કેવો આનંદપ્રદ !
બીજા અંતરામાં પતંગિયાપ્રવેશ અને હવાનો હક તો બહુ મજા પડી જાય એવો.

🙏🏻આપે ‘કાવ્યવિશ્વ’ની મુલાકાત લીધી, આભાર. પ્રતિભાવ લખશો ને! અને આ સાઇટ subscribe પણ કરશો ને! 🙏🏻

***

‘કાવ્યવિશ્વ’ વિશે વિદ્વાનોના પ્રતિભાવો

ગુજરાતી કવિતાનો એન્સાયક્લોપીડિયા આપ તૈયાર કરી રહ્યા છો. ભવિષ્યમાં ગુજરાતી કવિતામાં કોઈને કંઈ પણ શોધવું હોય તો ‘કાવ્યવિશ્વ’માંથી મળી રહેશે એટલો અદભૂત ખજાનો ભેગો થાય છે. નક્કી આ એક e-સંદર્ભ ગ્રંથ બનશે. ~ સુરેશ પટેલ * મેનેજમેન્ટ ટ્રેનર
***

🌹 દિનવિશેષ 22 ઓગસ્ટ 🌹 

બાળઉછેરનાં મનોવૈજ્ઞાનિક પાસાં – 3