🔆સુરેન્દ્ર કડિયા ~ નકામા નકામા🔆 -

નકામા નકામા ઉધામાય કરીએ
અમે એક પળમાં વિસામાય કરીએ

તમે કૃષ્ણ, ગોવિંદ, ગોપાલ કરજો
અમે તો સુદામા – સુદામાય કરીએ

તમે સૌ પ્રથમ જેને વાંચો છો ખતમાં
અમે દસ્તખત એ નનામાય કરીએ

ઘણા ગુપ્ત ઉપવાસ કરીએ શબદના
અને પારણાં ભરસભામાંય કરીએ

પરસ્પર નમાવી અમે વૃક્ષ-ડાળો|
ઈશારા લીલા સામસામાય કરીએ

~ સુરેન્દ્ર કડિયા

‘અમે’ એટલે કે ‘હું’ એક અદભુત રહસ્યમય વ્યક્તિત્વ છે. એક માનવી ક્યારે, શું કરશે એની કલ્પના કરવી અઘરી. પશુ-પંખી કે વનસ્પતિના વર્તનને જાણી-પ્રમાણી શકાય, આગાહી કરી શકાય પણ માનવના વર્તનને આગોતરું જાણવું અઘરું. સ્વભાવ જાણતા હોઈએ તો પણ એ જુદું વર્તે એવું બને !
કવિએ એ નિર્દેશવાનો મજાનો અને સફળ પ્રયાસ કર્યો છે એવું મને લાગે છે. (તમને જુદું લાગી શકે)
કેટલા ઉદાહરણો કવિએ રજૂ કર્યા છે!

નકામા ઉધામાથી પળભરમાં વિસામા સુધી ! કૃષ્ણ નામજપને બદલે સુદામાસ્મરણ !

વધારે ગમી ગયું આ કલ્પન
ઘણા ગુપ્ત ઉપવાસ કરીએ શબદના / અને પારણાં ભરસભામાંય કરીએ
અહીંયા એવું સમજવાનીયે મજા આવે કે
બંધ ઓરડે અમે કવિતા કરીએ અને મહેફિલે એને રજૂય કરીએ !
વાહ કવિ !

🙏🏻આપે ‘કાવ્યવિશ્વ’ની મુલાકાત લીધી, આભાર. પ્રતિભાવ લખશો ને! અને આ સાઇટ subscribe પણ કરશો ને! 🙏🏻

***
‘કાવ્યવિશ્વ’ વિશે વિદ્વાનોના પ્રતિભાવો

ગુજરાતી કવિતાનો એન્સાયક્લોપીડિયા આપ તૈયાર કરી રહ્યા છો. ભવિષ્યમાં ગુજરાતી કવિતામાં કોઈને કંઈ પણ શોધવું હોય તો કાવ્યવિશ્વમાંથી મળી રહેશે એટલો અદભૂત ખજાનો ભેગો થાય છે. નક્કી આ એક e-સંદર્ભ ગ્રંથ બનશે. ~ સુરેશ પટેલ * મેનજમેન્ટ ટ્રેનર
***