🔆ચેતન શુક્લ ~ વાદળ બની🔆

વાદળ બની આંખે તમારી આવતો નથી,
વરસાદ જેવી શક્યતાઓ બાંધતો નથી.

એના વગર ચાલે નહીં આદત કહો કે લત,
વાંધા વગરની જિંદગી હું ધારતો નથી.

તું ક્યાં નથી? એ પ્રશ્નનો ઉત્તર બની જવા,
હું ક્યાં નથી? એ પ્રશ્ન સામે રાખતો નથી.

મારા વિશેની બાતમીથી હું અજાણ છું,
વાંચ્યા કરે લોકો મને, હું વાંચતો નથી.

‘છોડી ચૂક્યો છું’ રીતથી, રાખી શકું તને,
જીવી શકું તારા વગર એ માનતો નથી.

~ ચેતન શુક્લ ‘ચેનમ’

આ ગઝલના દરેક શેરને એક સૂત્રમાં પરોવી શકાય ? ‘હા’. પ્રયત્ન કરી જુઓ. અંતિમ શેરમાં ઉપસી આવતી વાત ક્યાંક ક્યાંક બધે જ વેરાયેલી છે ખરી. ત્રીજો શેર સચોટ અને ધાર્યું નિશાન પાડનારો તો છેલ્લો શેર, એક જાણીતી વાતને અનન્ય રીતે વ્યક્ત કરતો. વાહ કવિ!

***

🙏🏻આપે ‘કાવ્યવિશ્વ’ની મુલાકાત લીધી, આભાર. પ્રતિભાવ લખશો ને! અને આ સાઇટ subscribe જરૂર કરશો.🙏🏻

‘કાવ્યવિશ્વ’ વિશે વિદ્વાનોના પ્રતિભાવો

અત્યંત સુઘડ, જીવને ઠારતું, સદ્ય પરિનિવૃત્તિ સાધી આપતું, શાંતિ અને શાતા દાયક, ઊંચી ગુણવત્તાવાળું સાહિત્યિક તથા સર્જનાત્મક સાહિત્ય માણવાનું આવું વિરલ પ્લેટફોર્મ આપવા બદલ આપનો આભાર. અભિનંદન અને શુભેચ્છાઓ ~ જયેન્દ્ર શેખડીવાળા

🍀દિનવિશેષ 27 ઓગસ્ટ🍀 

મેં મારું એકાંત