🔆અરવિંદ ગડા ~ એક છોકરી🔆

એક છોકરી સાવ અચાનક આંખો ઢાળે
અને છોકરો નવી નોટનાં પાનાં ફાડે!

સોળ વરસની સાવ કુંવારી લાગણીઓમાં
કેમ ઊઠ્યાં તોફાન કેમ આ ભરતી આવી?
કેમ અચાનક ગમવા લાગ્યા ફૂલબગીચા
કેમ અચાનક અરીસામાં વસ્તી આવી?
રંગરંગની છોળ નવા ઉન્માદ જગાડે
અને છોકરી આમ અચાનક આંખો ઢાળે?

નવી ધડકનો, નવા નિસાસા, નવી નવાઈ
નવી કવિતા, નવી ગઝલ ને નવી રુબાઈ
અંગઅંગમાં નવી ચેતના નવો મુંઝારો
દિવસ—રાત બેચેન બનાવે નવી સગાઈ
નવાં નવાં સંગીત સૂતેલા સાપ જગાડે
જુઓ! છોકરો નવી નોટનાં પાનાં ફાડે!

~ અરવિંદ ગડા (27.8.1956)

સોળ વરસની છોકરી અને એવડો જ છોકરો, કેટકેટલા કવિઓની સેંકડો કવિતાઓના વિષયો બન્યાં ! આ ઉમ્મરે આ ભાવો સ્વાભાવિક છે.

જોકે પ્રશ્ન જરૂર થાય છે કે આજની ‘જેન ઝી’ના અનુભવો શું છે?

અચાનક થઈ ગયેલો છોકરીને છોકરાનો કે છોકરાને છોકરીનો સ્પર્શ કેવો રોમાંચ જગાવે, મનમાં કેવા પતંગિયા ફૂટી નીકળે એ અનુભૂતિનો, હાથમાં હાથ મિલાવી ધમાલ કરતી, સંબંધો બાબતે કોઈ છોછ ન રાખતી, આજની પેઢીને અનુભવ હશે?   

🙏🏻આપે ‘કાવ્યવિશ્વ’ની મુલાકાત લીધી, આભાર. પ્રતિભાવ લખશો ને! અને આ સાઇટ subscribe જરૂર કરશો.🙏🏻

***

‘કાવ્યવિશ્વ’ વિશે વિદ્વાનોના પ્રતિભાવો

‘કાવ્યવિશ્વ’નો નકશો વિશાળ છે અને સંભાવનાઓ અનેક છે. તમે અંતરના ઉમળકાથી આ શરૂ કર્યું છે અને હજી ખૂબ ખીલવશો તેવી આશા છે. ~ મનસુખ સલ્લા

🍀દિનવિશેષ 27 ઓગસ્ટ🍀 

અતિ સુંદરલેન્ડ સ્કોટલેન્ડ