🔆હરીન્દ્ર દવે ~ કો’ક વાર થાય🔆

કો’ક વાર થાય પોઢું ફૂલનાં હિંડોળે
કા’ન દોરી ખેંચીને તું ઝુલાવે
અમથી હું આંખ મીચું, કાન રહું માંડી
કે હાલરડું ગાવું તને ફાવે!

સ્હેજ જરા અટકો જો ઝોલો, તો ખોયાને
બે હાથે ઝાલી થાઉં બેઠો,
થાકીને કોઈ વાર મેલી જો દોરી
તને બેસવા દઉં ન લેશ હેઠો,
કંટાળી મારે મને ધબ્બા ને કાલીકાલી
વાણીથી છો ને ફોસલાવે…

અમનેય આવડે છે મરકલડાં આણતાં
ને અમનેયે ભાવે છે ગોરસ,
અમને એ ઓરતા કદંબડાળ બેસીએ કે
મંદિરમાં બની જઈએ આરસ
થીર આંખે બેસીએ ને ચંદન ને ધૂપ લઈ
હળવે હળવે તું પાસ આવે…

~  હરીન્દ્ર દવે

આહા… પોતે ફૂલના હિંડોળે હોય અને હરિ ઝૂલાવે! આવી કલ્પનાય કેટલું સુખ આપે! જોકે જેઓ સંપૂર્ણ સમર્પિત થઈ ચૂક્યા છે એમને આવો લ્હાવો મળી શકે.

‘કાવ્યવિશ્વ’ને આવકાર

ખૂબ ઉમદા કાર્ય હાથ ધર્યું છે. પ્રતિદિન કાવ્યસાહિત્ય અને જન્મદિન પ્રમાણે પણ સાહિત્યકાર વિશે વિચારવું, લખવું અને પ્રગટ કરવું એક સાધના છે. ઈ-સાહિત્યના આ પડાવને સત્કારું છું. ~ વર્ષા પ્રજાપતિ
(આપ પણ ‘કાવ્યવિશ્વ’ વિશે આપનો અભિપ્રાય મોકલશો તો ગમશે.)  

🌹જન્મદિનવિશેષ 22 સપ્ટેમ્બર🌹 

સહજતા