🔆સુરેશ દલાલ ~ જલમાં ઝૂરે🔆

જલમાં ઝૂરે માછલી ને વનમાં ઝૂરે ફૂલ :
ભરવસંતે છાનું ઝૂરે કોયલ ને બુલબુલ
અમારી એવી તે કઈ ભૂલ :
તમે તો પાસે તોયે દૂર દૂર ને દૂર….

દરિયામાં ઝૂરે હોડી અને હલેસાં ઝૂરે :
નાવિકને અહીં આવવાનું કેમ કહો નહીં સ્ફુરે ?
અમારી એવી તે કઈ ભૂલ :
તમે તો પાસે તોયે દૂર દૂર ને દૂર….

વૃંદાવનમાં ઝૂરે વાંસળી ; ઝૂરે મીરાંનું મન.
જે મુખડાની માયા લાગી ક્યાં છે એ મોહન ?
અમારી એવી તે કઈ ભૂલ :
તમે તો પાસે તોયે દૂર દૂર ને દૂર….

~  સુરેશ દલાલ (11.10.1932 – 10.8.2012)

‘કાવ્યવિશ્વ’ને આવકાર

રોજ નવી રચનાઓ દ્વારા નવા ભાવવિશ્વમાં ફરવાનો મોકો આપી આપ અમને ધન્ય કરો છો. ~ ઊર્વી પંચાલ

🌹દિનવિશેષ 21 ઓકટોબર🌹